Истражување: Граѓаните не сакаат да имаат за сосед припадник на ЛГБТИ заедницата

Истражување спроведено од Македонскиот центар за меѓународна соработка (МЦМС) покажува дека граѓаните не сакаат во своето соседство да имаат лица кои се припадници на ЛГБТИ заедницата. Изразено во проценти, се забележува дека понепосакувани соседи од припадниците на ЛГБТИ заедницата, за која негативно се изјасниле 81% од испитаниците, се само зависниците од дрога (91%), алкохол (88%) и лицата со криминално минато (82%).

„Интересно да се напомене е дека жените се потолерантни, а кога станува збор за возрасните групи, со зголемување на возраста се зголемува толеранцијата освен во случајот кога станува збор за зависници од дрога, алкохол и ЛГБТИ“, вели Наташа Димова, од МЦМС.