„Маргини“: Живееме во насилно и самобендисано општество

Македонското општество е насилно и полно со предрасуди, вели Славчо Димитров од коалицијата „Маргини“, коментирајќи ги резултатите од истражувањето кое покажува дека меѓу најнепосакувани соседи за нашите граѓани се припадниците на ЛГБТИ заедницата.

„Кога ќе ги споредиме овие резултати со тие од пред десет години забележуваме дека нема речиси никакви поместувања, можеби некои се и полоши. Она што е исклучително важно е дека работите мора да ги идентификуваме и да ги нарекуваме со вистинските зборови. Тие подразбираат дека македонското општество мора да се погледне во огледало и да признае дека ова општество е исклучително насилно, полно со омраза, предрасуди…“, вели Димитров.