Проф. Петровска-Бешка: Прифаќањето на различностите треба да почне од основното образование

Професорката по психологија при УКИМ, Виолета Петровска Бешка, во своето вечерашно гостување во емисијата „360 Степени“ на Алсат вели дека едукацискиот процес на децата во правец на прифаќање на различностите треба да започнува уште во основното образование, што според неа, е веќе опфатено со учебните материјали за основците.

„Треба да ги експонираме децата на прифаќање на различните од нив, по секоја основа. До минатата година учебниците, сите, го имаа тоа внесено. Може да се види преку типични имиња на деца, може да се види во слики и илустрации на деца со попреченост…“, вели Петровска-Бешка.