ВЕСТИМАКЕДОНИЈА

Јули во земјава, најтопол и највлажен во последните три децении

Јули во земјава, најтопол и највлажен во последните три децении

Трендот на топло време и дожд продолжува и во текот на месецов. Синоптичарите за утре и за сабота најавуваат топло време и високи температури и до 38 степени. Потоа од недела во попладневните часови се очекуваат дожд, грмежи и засилен ветер, по што температурата ќе се намалат за 2 до 4 степени.

Инаку, јули годинава бил натпросечен по топлина и влажност, во однос на мерењата во изминатите 30 години.

„Во споредба со температурите во јули од претходните години од 1981 до 2010 година, годишните температури биле 0,7 целзиусови степени над просекот на државно ниво. Највисоката максимална температура е измерена на 24 јули во Гевгелија кога беа забележани 41,6 степени целзиусови“, велат од УХМР.

За истиот месец, просечната количина на врнежи е за 41 отсто над просекот во последните три децении.

„Врнежите беа од дожд и град. Максимални дневни врнежи од 50,9 милиметри се забележани во Берово на 29 јули. Споредено со просечната јулска вредност за периодот 1981-2010 година, измерената месечна количина на врнежи е 16 милиметри или 41 отсто над просекот“, нагласуваат од УХМР.

Ветровите и дождот во јули предизвикаа и определени материјални штети низ повеќе локации и населени места низ државата.

Ајнур Бафќари

Прикажи повеќе

Related Articles

Back to top button