Повеќе од 15 милиони корисници во Кина потпишаа онлајн петиција за истрага во лабораторијата Форт Детрик во САД поради сомнежи дека е можен извор на коронавирусот.
Петицијата е иницирана од кинескиот Глобал тајмс, а од Светската здравствена организација (СЗО) се бара да го испита случајот.
СЗО треба да го почитува јавното мислење и темелно да го испита Форт Детрик и повеќе од 200 американски прекуокеански биолошки лаборатории, се наведува во коментарот.
Таков став на социјалните мрежи сподели и портпаролот на кинеското министерство за надворешни работи, Жао Лиѕијан:
“Ако треба да се испитаат лаборатории, тогаш експертите на СЗО треба да одат во Форт Детрик. САД треба да дејствуваат транспарентно и одговорно што е можно поскоро и да ги поканат експертите на СЗО за истрага во лабораторијата Форт Детрик. Само на овој начин може да се открие вистината на светот“, напиша Жао на Твитер.
If labs are to be investigated, then the WHO experts should go to Fort Detrick. The US should act transparently & responsibly as soon as possible and invite WHO experts for an inquiry into the Fort Detrick lab. Only in this way can truth be revealed to the world.
— Lijian Zhao 赵立坚 (@zlj517) July 26, 2021
Своите сомнежи Кинезите ги поткрепуваат со информациите дека во август 2019 година, во Мериленд се појавиле случаи на белодробни заболувања, кои тогаш биле поврзани со употребата на електронски цигари. После тоа, Медицинскиот институт за инфективни болести на американската армија во Форт Детрик бил ненадејно затворен, а властите одбиле да објави повеќе информации, наведувајќи ја „националната безбедност“ како причина.
