Компаниите за организирање на настани и забави повторно протестираа пред Владата

Компаниите за организирање на настани и забави повторно протестираа пред Владата, втор ден по ред. Тие се револтирани што властите гледаат на нивната ситуација со презир. Без државна помош, велат тие, ќе мора да затворат и да отпуштаат вработени. Дел од компаниите во оваа дејност имаат неколкудецениско минато и вкупно вработуваат над 10 илјади лица. Дефицитот во оваа индустрија надминува 60% во споредба со 2019 година, како резултат на економската и здравствената криза. Но, од Владата тврдат дека оваа индустрија била вклучена во петтиот пакет мерки, односно обезбедени се еден милион евра неповратни средства за организација на најмалку 40 настани кои очекуваат да ангажираат повеќе од 100 компании.

Advertisements