Ковачевски: Про руската коалиција на ВМРО-ДПМНЕ и Левица – единствен кочничар на евроинтеграцискиот пат на државата
Анти ЕУ, анти НАТО и про руската коалиција на ВМРО-ДПМНЕ и Левица е единствен кочничар на евроинтеграцискиот пат на државата, рече во својата денешна прес конференција од Брисел премиерот Димитар Ковачевски. Нека им служи на чест на сите овие партии и политичари, а на граѓаните да им служи на ум и да проценат кој за каква иднина на државата се бори, додаде Ковачевски.
„Оваа работна посета на Брисел можеше да изгледа сосема поинаку. Можевме да дојдеме и гласно и јасно, заедно да кажеме дека ние продолжуваме со отворање на поглавјата од сите кластери од преговорите со ЕУ и дека го продолжуваме нашиот евроинтеграциски пат. Но, се потврди дека единствен кочничар на државата е анти ЕУ, анти НАТО и про-руската коалиција на ВМРО-ДПМНЕ и Левица“, рече Ковачевски.
