Курти го повика Западот да не врши притисок врз Приштина околу српскиот ентитет

Косовскиот премиер Албин Курти ги повика западните сили да не вршат притисок врз неговата мала балканска земја да прифати спорно здружување на пет општини со мнозинско српско население, што ги зголемува тензиите меѓу Косово и Србија. Курти за Асошиејтед прес изјави дека фокусот треба да биде ставен врз тоа Србија да стане подемократска и да се ослободи од, како што ги нарече, хегемонистичките идеи на Белград.

Курти деновиве рече дека српската влада треба да ја признае независноста на сите поранешни републики на поранешна Југославија со цел „да се соочи со минатото“.