Лекот Ремдесивир за третман на пациенти со Ковид-19 во земјава пристига месецов

Во вториот пик од пандемијата кога сè уште не е воведена вакцина против Ковид -19, антибиотиците се единствениот лек што им се дава на пациентите заразени со корона вирусот. Покрај некои тековно користени фармацевтски комбинаторики, нашата земја останува на листата на чекање за набавка на Ремдесивир. Владата за октомври плати 13,5 милиони денари на американската компанија Веклури, но овие единици се очекува да пристигнат до крајот на ноември. Заменик-министерот Илир Хасани за Алсат изјави дека со буџетот за 2021 година ќе бидат издвоени уште 67,5 милиони денари.

 „Како Влада потпишавме договор со компанијата, дури и посебен договор само за Ремдесивир кој верувам дека во наредните денови или во текот на овој месец ќе треба да дојде количина околу 600 ампули месечно, што значи за следните 6 месеци. Ова е резиме од договорот кој беше потпишан со ЕУ, односно со Европската комисија.“

 Од Агенцијата за лекови и медицински средства „МАЛМЕД“ велат дека овој лек е условно одобрен за трговија во земјите на ЕУ. Според нив, Европската агенција за лекови во јуни дозволи трговија на Ремдесивир во други европски земји во согласност со нивното национално законодавство.

 Агенција за лекови и медицински средства „МАЛМЕД“

„Од 3 јули 2020 година Европската комисија издаде условно одобрување за ставање во промет на Ремдесивир за третман на КОВИД-19 кај возрасни и адолесценти над 12 години со пневмонија на кои им е потребна дополнителна оксигенација.“

 Ремдесивир како лек имал многу спорови во врска со ефектите врз третманот на пациентите со Ковид-19, велат лекарите. Но, врз основа на студиите, докажано е дека во одредена фаза на болеста, кога здравствената состојба може да се компликува од вирусот, овој лек може да се применува.

Adi Qaili