Македонските фудбалери на 25 март ги започнуваат квалификациите за СП „Катар 2022“
Репрезентацијата на Македонија во фудбал, на 25 март ќе ги започне квалификациите за Светското првенство во „Катар 2022“, а првиот натпревар ќе го има на гости против Романија. Потоа следуваат натпреварите со Лихтенштајн и Германија, со што завршуваат квалификациските натпревари за март. Селекторот Игор Ангеловски се уште не ги открива имињата на играчите, а неговиот романски колега, Мирел Радои, го објави списокот со 23 играчи пред натпреварите со Македонија, Германија и Ерменија. Само фудбалерите кои играат во европските првенства се најдоа на списокот на Радои, и се гледа дека нема фудбалери од романскиот шампионат. Романските медиуми јавуваат дека Радои не експериментирал многу и се потпирал само на силите на добро познатите романски фудбалери.