Масовни протести во Турција по апсењето на градоначалникот на Истанбул
Протестите за приведувањето на градоначалникот на Истанбул, Екрем Имамоглу, и покрај забраните за јавни собири, продолжија и синоќа во Турција. Илјадници студенти се собраа во кампусот на Универзитетот во Истанбул, а некои се судрија со полицијата.
Причината е приведувањето на Екрем Имамоглу, градоначалникот на Истанбул и главен предизвикувач на претседателот Реџеп Таип Ердоган. Градоначалникот на Истанбул беше уапсен вчераутро во рации, во кои беа приведени и околу стотина политичари, бизнисмени и општински службеници обвинети за корупција и врски со терористички групи.
Демонстрантите се собраа вечерта пред градската општина Истанбул, со силно полициско присуство низ Истанбул, поради четиридневната забрана за јавни протести и собири по апсењето на Имамоглу.
