Минималната плата од април зголемена за 2.390 денари

Минималната плата ќе се зголеми на 2.392 денари со платата од март месец, која во април ќе ја добијат околу 60 илјади вработени во јавниот сектор, вклучувајќи ги и оние кои ќе имаат усогласување согласно колективниот договор. Ова се очекува целосно да стапи на сила од понеделник со објавата во Службен весник, што значи дека минималната плата ќе достигне 22.567,00 денари. Но, Сојузот на синдикатите на Македонија не е задоволен. Тие бараат во првите 100 дена од новата влада минималната плата да биде најмалку 450 евра за сите вработени.

„Но, сакам да ги повикам функционерите кои земаат плата од 2.500-3.000 евра според одлуката на Уставниот суд, да не помислат да го негираат усогласувањето на платите според законите во јавниот сектор, бидејќи револтот ќе биде голем“,  рече Слободан Трендафилов, Синдикална лига на Македонија.

Синдикатите велат дека доколку нема линеарно зголемување на платите согласно важечките закони, ќе поднесат кривични пријави, врз основа на кои затворската казна за работодавачите е од 1 до 3 години. Согласно Законот за минимална плата, дури и во приватниот сектор треба да има зголемување на минималната плата и линеарно усогласување за околу 40 евра на сите плати во државата. Ова не е спротивно со член 8 од Изборниот законик, бидејќи сегашните закони веќе го предвиделе ова линеарно зголемување на платите.

На средбата во Министерството за труд и социјална политика присуствуваа и раководителите на синдикатите за образование, здравство и полиција, кои бараат вработените во овие сектори да имаат линеарен раст, во спротивно ќе организираат протести и генерален штрајк./Алсат.мк

Аднан Ќаили