МОН нема договор за дигитален учебник по англиски, наставниците користат стари книги

Новиот наставен концепт за четврто одделение во основното образование продолжува да се соочува со многу проблеми од почетокот на учебната година. Во последните денови имаше поплаки од наставници по македонски јазик кои предаваат во албански паралелки и други етнички заедници дека учебникот по македонски не е вклучен во дигиталните учебници. Со истиот проблем се соочуваат и наставниците по англиски јазик, кои за разлика од колегите по македонски, симнуваат материјали од Интернет.

„Министерството за образование нема конкретен договор со ниту една издавачка куќа од Англија и не може да добие лиценца за учебници. Поради тоа тие не дозволуваат да се постават дигитални учебници. И сега што понатаму? Имаме книги од минатото што ги користевме, што министерството ни дозволи да ги користиме четири или пет години, доколку не се оштетени. Се снаоѓаме со нив, малку од интернет, сега дигитализацијата стана тренд и во училиштето имаме паметни табли кои се единствените во функција за реализација на наставната програма“, рече Урим Етеми, наставник по англиски јазик.

Министерката за образование и наука, Мила Царовска вели дека нема простор за поплаки. Таа ги потсети наставниците дека се обезбедуваат дигитални книги за четирите задолжителни предмети, мајчин јазик, математика, наука и општество. Што се однесува до другите, Царовска вели – обезбедени се наставни материјали.

За разлика од Царовска, наставниците по овие два предмети се должни да го завршат часот по македонски и англиски јазик со книгите од четврто одделение од минатата година. Исто така, поради недостиг на дигитална опрема за имплементација на новиот наставен концепт, многу ученици беа принудени да фотокопираат дигитални книги, нешто што министерството официјално не го дозволува.

Мелихате Рустеми