ВЕСТИМАКЕДОНИЈА

На првиот ден од вакцинацијата без закажување, тензии, редици и чекања пред клиниките

Долги редици во поликлиниките во главниот град на првиот ден од вакцинација без закажување термин. Уште во раните утрински часови имаше стотици граѓани, претежно постари пред поликлиниката Јане Сандански и Букурешт за да го избегнат топлото време. Сепак, дојде до револт поради бавната процедура.

Слична беше состојбата и во Поликлиниката Чаир, иако тука гужвата се создаде во ходниците. Граѓаните велат дека е потребна подобра организација од властите.

Од Министерството за здравство за гужвите и долгите чекања искоментираа дека се резултат на големиот интерес за вакцинација. Министерот Филипче го посети новиот пункт отворен во поликлиниката Шуто Оризари, кој според него, работи со голем интерес кај локалното население.

Во меѓувреме, мобилните тимови започнаа да вакцинираат во руралните области за да ги имунизираат старите лица. Ваквите тури се најавуваат секојдневно за различни региони во зависност од интересот и оддалеченоста на постоечките пунктови за вакцинација. Од друга страна, вакцинацијата на деца од 12 до 16 години ќе се врши со претходно закажување термин на веб-страницата vakcinacija.mk.

Аднан Ќаили

Прикажи повеќе

Related Articles

Back to top button