„Најмонструозна глупост“ – Трифонов против кампањата на Петков за собирање средства за купување оружје за Украина

Идејата на премиерот Кирил Петков Бугарите да донираат пари за оружје за Украина е најмонструозната глупост што сум ја слушнал, коментира на Фејсбук Слави Трифонов, лидер на еден од коалиционите партнери во бугарската Владата, партијата „Има таков народ“, откако вчера Петков започна кампања на Фејсбук за собирање средства за Украина за тамошната Влада да ги користи за купување муниција во војната со Русија.

„Треба да се донираат пари за спасување животи, а не за купување оружје. Ова е оружје на државата, а не на обичните луѓе“, рече Трифонов, кој е првиот партиски лидер од владината коалиција кој ја коментираше јавната кампања на Петков.

Во објава на Фејсбук вчера, Петков рече дека испраќањето воена помош за Украина бара политичко, но и општествено единство, со многу екстремни ставови на оваа тема.