Адеми кажа кој е ставот на ДУИ по предлогот за укинување на техничката влада

Предлог законот за укинување на техничката влада го добивме и го разгледуваме, рече Арбер Адеми од ДУИ, додавајќи дека таквата промена треба да се направи со консензус од најголемите партии во Парламентот.

„Добро е да има консензус имајќи ја предвид воспоставената пракса за донесување на вакви значајни законски решенија. И овој закон, кој се изменува и дополнува е донесен и предложен со консензус. Треба да се следи таа пракса и ако има договор помеѓу ДУИ, СДСМ и ВМРО-ДПМНЕ за укинување на техничката влада, имајќи предвид дека не е логично земја која е членка на НАТО и аспирант за почеток на преговори со ЕУ да има техничка влада за спроведување на избори поради немање на доверба во институциите“, вели Адеми.