Шест лица загинаа во масовно пукање во градот Плимут во југозападна Англија на 12 август, соопшти полицијата, додавајќи дека осомничениот напаѓач е меѓу загинатите. Две жени и тројца мажи, меѓу кои и вооружениот напаѓач, починале на местото на настанот, се вели во соопштението на полицијата на Девон и Корнвол. Уште една жена почина во болница.
„Се верува дека сите починале од прострелни рани“, соопшти полицијата. Инцидентот не е поврзан со тероризам, а областа е блокирана додека полицијата спроведува истрага, се вели во соопштението. Полицијата, исто така, упати апел до јавноста да не споделува слики од местото на настанот на социјалните мрежи. Локалниот пратеник Лук Полард објави дека меѓу убиените имало и дете под 10 години.
