Николовски: Конфискацијата е услов за истерување на правдата до крај

Врвен приоритет на Владата е истрагите да не завршуваат само со кривичното дело, туку и со материјална одговорност на сторителите, односно со одземање на незаконски стекнатиот имот, порача заменикот на претседателот на владата задолжен за борба против корупција, Љупчо Николовски.

„Водејќи се од принципите на заштита на националниот имот, како и на државниот буџет, веќе ја имаме драфт верзијата на Законот за потекло на имот, нешто што за прв пат го добива нашата држава. Со ваквото законско решение, кое содржи низа механизми и одредби, за прв пат се воведува контрола на капиталот, со што се отвора патот за конфискација на нелегално стекнатиот имот“, рече вицепремиерот Николовски.