Ниту една фасада на зградите на територијата на општина Чаир не е реконструирана иако тоа го вети во неговиот предизборен Договор со граѓаните градоначалникот Висар Ганиу

Иако „Договорот“ на градоначалникот на Чаир, Висар Ганиу предвидува поправка на фасадите на повеќе станбени згради, не е извршена ниту една реконструкција. Граѓаните со кои разговаравме велат дека тие не биле известени од општинските власти за оваа цел.

„Не се дојдени, ниту пак се надеваме дека ќе дојдат. Дури и да дојдат, ние сме разочарани… Живеам во стан во Џон Кенеди.

„Сум слушнал. Пред три или четири години слушнав дека ќе ги направат, но ние ги правиме фасадите сами. Кој има можност го прави тоа, кој нема можност не може да го стори тоа, нормално.“

Ганиу, во замена за гласовите во 2017 година, вети дека ќе ги реконструира фасадите на стотици колективни станови на некои од булеварите и главните улици на оваа општина.

„Во рамките на оваа програма, општина Чаир предвидува реконструкција на фасадите и покривите на постојните станбени згради, со цел да се замени или обезбеди квалитетна изолација на зградите и да се зголеми нивната енергетска ефикасност … Оваа програма предвидува реконструкција на вкупно 141 објект, што ќе биде голем чекор кон зголемување на глобалната енергетска ефикасност во општината “.

Градоначалникот на Чаир, Висар Ганиу, вели дека тие се подготвени да го исполнат ветувањето, но според важечките закони, општината не може да ја покрие целата инвестиција и дека најголем дел од истата мора да ја платат самите граѓани.

„Условно, колку за илустрација, ако интервенцијата на фасадата во тој објект чини 1.000 евра, 300 евра ги покрива општината. Тоа не е нешто затворено, отворено е. Имав контакти со куќните совети, но тие не можат да се договорат меѓусебно да започнат ваков проект, бидејќи 70% од износот ќе бидат собрани од нив.“

Градоначалникот Ганиу вели дека општина Чаир е отворена за проектот за субвенционирање со 30% од инвестицијата за реконструкција на фасадите на колективно домување и додава дека буџетот за овие субвенции се чува безбедно.

Mefail Ismaili