Нова битка на Барса и ПСЖ: Парижани подготвуваат нов договор за Меси

Барселона и ПСЖ влегуваат во нова битка за Лео Меси, пренесуваат француските медиуми. Каталонците изразија голем интерес за враќање на аргентинскиот ас „дома“, а парижани кои се презадоволни од неговиот придонес ќе се обидат да ги пораметат плановите со понуда на нов договор.

Преговорите сеуште не се започнати со оглед на тоа што се почитува желбата на Меси да остане фокусиран на престојното Светско првенство во Катар на кое ќе атакува на трофеј со Аргентина, но веќе од декември ќе започне новата битка на шпанскиот и францускиот гигант.

Меси се пресели на „Паркот на Принцовите“ откако Барселона поради финансиски проблеми не можеше да си го дозволи неговиот потпис, но заминувањето на Аргентинецот кој во Шпанија помина 18 години беше во солзи. Дали „светците“ овој пат ќе успеат да го спречат враќањето на 35-годишникот во омилениот клуб останува да видиме.

Извор: екипа