Нуредини најавува зголемени казни за загадувачите на воздухот
Министерот за животна средина и просторно планирање, Насер Нуредини, за време на денешната дебата во рамки на „Емисијата 200“ на Алсат најави зголемување на казните за загадувачите на воздухот.
Сепак, како што кажа, тоа зависи од измените и дополнувањата на законот за полесни прекршоци што ќе ги предложи Министерството за правда. Според него, одделот што го предводи, иако презел многу мерки и активности, сепак има уште многу работа за да се постигнат задоволителни резултати.
„Презедовме разни мерки, но не го достигнавме нивото што е потребно. Задоволен сум што гледам дека има барања, мислења и од невладиниот сектор и од граѓаните, но верувајте ми пред нас е многу работа. Предложивме и законски измени. Предлагаме општините и локалната самоуправа да имаат план за управување, доколку се надминат границите на загадувањето, тогаш тие се должни да преземат мерки како што се: промени во сообраќајот, можеби дури и промена на работното време и во случај локалната власт да не ги преземе овие мерки тогаш Владата ќе има право да интервенира и да ги преземе тие мерки“, рече Нуредини.
