Одложен изборот за шеф на Вишото обвинителство

Советот на обвинители официјално го назначи Ислам Абази за шеф на Обвинителството за гонење организиран криминал и корупција. И покрај контроверзите по неговиот избор, членовите на Советот на обвинители денеска ја пофалија досегашната работа на Абази, како прв човек на Вишото обвинителство на Гостивар.

Пофални зборови за Ислам Абази кажаа и други членови на Советот на обвинители како Љубомир Јовески, Иџет Мемети, Арбер Исаку и Коле Штерјев. Една недела по изборот на Абази на оваа функција, денеска новинарите за првпат имаа можност да ја видат неговата биографија Нетранспарентноста беше главна критика и од граѓанските организации и од Антикорупциската комисија. Седницата на Советот на обвинители беше прекината веднаш по официјалното именување на Абази на оваа функција, и не се избраа шефовите на вишите обвинителства во Скопје и Гостивар, како и на основните во Битола, Велес, Гостивар, Кавадарци и Куманово.

Според Јолески, на членовите на Советот им треба повеќе време за да одлучат.

Кандидати за шеф на Вишото обвинителство на Скопје се Мустафа Хајрулаху, Фатима Фетаи и Бурим Рустеми..

Ардит Рамадани