Османи: Ветингот е единственото решение за европското судство

Позитивното мислење на Обвинителството за ослободување од притвор на поранешниот началник на тајната полиција предизвика остри реакции во јавноста. Ова, според високиот функционер на ДУИ и  министер за надворешни работи, Бујар Османи, со право го покажува разочарувањето на граѓаните кон судството. Османи единственото решение го гледа во предлогот на неговата партија ДУИ за проверка во судството и обвинителството.

„Нашето решение останува исто, ветингот е решението за нашето судство. Проверка што ќе треба да направи не само проценка на дефектите, туку и дијагноза за подобрување на работата на обвинителството и судовите. Фактот дека постои голема реакција на мислење, фактот дека тоа потоа се рефлектира на реакција на мислење покажува дека не сме во иста фаза, значи дека постои еволуција. Но, секако дека ќе има фази на транзиција кон европско судство ако можам да го кажам тоа, затоа што има уште работа да се направи за европско судство, но ова се првите знаци, оваа чувствителност на мислењето кон одлуките и, се разбира, реакција на институциите. Бидејќи ќе го заокружам тука, нема подобро решение од она што го предлагаме на време и тоа е да станеме суштинска проверка на судството и обвинителството“, изјави  Османи.