Поради немање дигитални алатки за учење, учениците принудени да учат од фотокопирани книги

Примената на новиот наставен концепт за основно образование, особено за четврто одделение, се соочува со многу тешкотии. Лекцијата треба да се изведува со дигитални книги, но кога нема дигитални алатки за учење, учениците од одредени училишта се принудени да обезбедат фотокопирани книги. За тоа сведочат сопствениците на продавниците за фотокопии кои велат дека постои голем интерес за копирање на овие книги. Во меѓувреме, учениците што ги анкетиравме велат дека го чекаат одговорот на наставникот дали и кога книгите треба да се фотокопираат.

Како што рекоа учениците, дигиталните книги го отежнуваат и реализирањето на домашните задачи и учењето на одредени единици за учење.

„Засега не сме ги фотокопирале, кога ќе ни каже наставничката ќе ги фотокопираме. Еднаш ни рече почекајте, можеби училиштето ќе ни ги дава. Со книгите е подобро и полесно затоа што во книгата има се, можам да читам, можам да подвлечам кои задачи ги имам затоа што со телефон не можам да го направам тоа“, вели еден ученик.

Покрај дигиталните книги, учениците од основните училишта се соочуваат и со недостаток на печатени книги. Две недели по почетокот на учебната година, многу ученици останаа без книги, додека оние што беа снабдени, добија искинати книги.

Мелихате Рустеми