Последната трка за светскиот шампион, Фетел ги собра возачите на вечера

Трката во Абу Даби, која ќе се вози во недела на патеката Јас Марина, ќе биде последна за германскиот возач Себастијан Фетел. 4-кратниот светски шампион во Формула 1, кој моментално се натпреварува со Астон Мартин, ги собра сите пилоти на вечера за да се збогува.

„Не беше лесно да се најде ресторан кој е идеален за секого, но на крајот сè беше забавно“, изјавија пилотите по вечерата, кои се забавуваа иако не сите добро се согласуваат еден со друг. Сепак, фотографијата направена по вечерата, со сите 20 возачи, ја покажува почитта што ја имаат кон Фетел.

“Незаборавна вечер. Заедно со Фетел дојдовме во Формула 1 многу млади, но во овој спорт пораснавме и станавме мажи. Што и да се случи на патеката, секој ден стануваме подобри луѓе. Фактот дека сите се собравме на вечера за да ја прославиме кариерата на Фетел е вечер која никогаш нема да ја заборавам“, изјави Луис Хамилтон.