Приведени над 130 мигранти во Турција

Турските власти соопштија дека во текот на последните 48 часа привеле 133 мигранти без документи во близина на границата со Иран. Турското министерство за внатрешни работи соопшти дека вчера привеле 73 Авганистанци во провинцијата Ван, додека други 60 мигранти – од кои 59 Авганистанци – биле денеска приведени.

Во јуни министрите за надворешни работи на Турција, Иран и Авганистан се сретнаа за да разговараат за соработка околу мигрантите. Во тој регион расте загриженоста од нов бран мигранти по најавеното повлекување на меѓународните сили во Авганистан.