ПРИЗНАНИЕ ЗА ЧОВЕЧНОСТ И ВИЗИЈА: ОПШТИНА АЛЕКСИНАЦ СО ПЛАКЕТА ЗА ПРИМ. Д-Р ТРПЧЕВСКИ И БОЛНИЦА ПЛОДНОСТ
Во емоционална и свечена атмосфера, Општина Алексинац од Република Србија свечено додели Плакета за особен придонес во зголемување на наталитетот и унапредување на здравствената заштита на Прим. д-р Таше Трпчевски, директор и основач на ПЗУ Болница Плодност – Битола.
Признанието беше свечено доделено од градоначалникот г. Далибор Радичевиќ, во рамки на официјална делегација што ја посети болницата, по повод значаен јубилеј: 100 деца од Алексинац зачнати со помош на инвитро во Болница Плодност.
Посебна тежина на овој момент му даде присуството на Николина, денес 18-годишна девојка и првото ИВФ бебе од Алексинац, зачнато токму во Плодност. Нејзиниот татко, Миодраг Раиќевиќ, пензиониран воен службеник, своето сведоштво го сподели вака:
„Sve smo supruga i ja obišli, nema klinike gde nismo bili, ali priznajem ni vračare ni gatare gde nismo svratili, tragajući za potomstvom. Ali sve se promenilo kada smo slučajno saznali za dr Trpčevskog gde smo posle decenije lutanja konačno dobili svoju najveću radost. Kada smo došli u bitoljsku bolnicu, dr Trpčevski nas je upitao zašto smo došli baš kod njih, pored brojnih čuvenih beogradskih klinika. Izmoreni i pomalo razočarani tu smo videli poslednju šansu. Pomalo iznerviran rekao sam mu: doktore pravi tu decu i ćuti! Svi smo se nasmejali i tako je počelo naše prijateljstvo,“ – раскажал Раиќевиќ за српските медиуми.
Токму тој, инспириран од сопственото искуство, ја поднесе иницијативата до Општината Алексинац за доделување на ова признание, предлог што едногласно беше поддржан.
До денес, тимот на Плодност успеа да направи нешто што се сметаше за невозможно: да ги обедини науката, технологијата и човечноста во служба на новиот живот. Составен од искусни лекари, ембриолози и медицински сестри, овој тим не создава само резултати, туку гради доверба. Работат со најсовремена медицинска опрема, но вистинската разлика ја прават со посветеност, емпатија и срце.
Токму благодарение на нив, се родени над 100 ИВФ бебиња од Алексинац, повеќе од 300 во цела Србија, и над 3.500 новороденчиња во рамки на болницата. Бројки што не се само статистика, туку човечки приказни и исполнети животи.
Во знак на хуманост и поддршка, Прим. д-р Трпчевски донираше три бесплатни инвитра за социјално загрозени семејства од Алексинац, кои ќе бидат распределени преку Општината.
„Ова признание не го доживувам како лична награда, туку како потврда на еден долгогодишен пат исполнет со вистински резултати. Горд сум што нашата работа ги поврзува народите и создава живот. Тоа е најголемата чест,“ изјави д-р Трпчевски по доделувањето.
Болница Плодност денес е препознаена како една од најсовремените и најуспешни болници за инвитро во регионот, со потврдена стапка на успешност од 54% и силна државна поддршка од Република Северна Македонија. Сѐ поголем број парови од странство ја препознаваат довербата, стручноста и резултатите на нашиот тим, роцентот на странски пациенти расте од година во година. Плодност останува важен центар за парови од цела Југоисточна Европа кои го бараат својот пат до родителството.
