Проф. Марковиќ: Решение на спорот со Бугарија тешко пред словенечкото претседавање со ЕУ

Универзитетскиот професор, Ненад Марковиќ, оценува дека решение за блокадата од Бугарија не би можело да се очекува пред почетокот на словенечкото претседателство со Унијата.

„Бугарија некако се ‘урови’ во сопствените позиции, изгради прилично силни и длабоки ровови, од кои сега многу тешко се излегува, така што јас повеќе би дал шанса за време на словенечкото претседателство со ЕУ отколку за време на португалското, за да се реши овој проблем“, вели Марковиќ.

Потсетуваме, на 1 јули започна шестмесечното германско претседателство со Унијата коешто завршува во јануари. Тогаш претседавач станува Португалија, а по неа, односно во периодот од јуни до декември 2021, со Унијата ќе претседава Словенија.