Професорката Ванковска ќе трча за претседателка

Партијата Левица за кандидат за претседател на државата ќе ја предложи професорката Билјана Ванковска. Во наредните денови ќе започне собирањето на 10.000 граѓански потписи потребни за официјализирање на кандидатурата.

Првиот човек на Левица, Димитар Апасиев, рече дека во претседателската трка неговиот субјект влегува со, како што оцени, најподготвениот кандидат кој има најголема веројатност да биде следниот претседател. Ванковска пак, нагласи дека во трката за претседател нема да биде само број, туку ќе ја докаже разликата со, како што вели, нејзините академски и политички вредности во однос на другите кандидати.