ЗДРАВСТВО
Растат листите на чекање, операции се прават само на најитните пациенти
Растат листите на чекање, операции се прават само на најитните пациенти
![](https://alsat.mk/mk/wp-content/uploads/2022/03/Operacion_1-780x470.jpg)
Хируршките клиники во скопскиот клинички центар и натаму работат со намален интензитет. Само две од оперативните сали се во функција, а двојно е помал бројот на операции на клинички.
Листите на чекање растат, надлежните и по речиси три недели откако престанаа да работат салите, проблемот не го решија.
Хирурзите се координираат меѓусебно за вршење операции, а предност имаат пациентите со малигни заболувања и фрактури.
Министерството за здравство за надминување на проблемот решението го бара во нова компресорска станица, а лекарите велат како ќе се набавуваат надворешни компресори за воздухот, така постепено ќе се отвораат и други сали во хируршкиот блок.
Сепак хирурзите порачуваат дека ова не е трајно решение.