Регистрирани околу 200 илјади граѓани од дијаспората, најголемиот број од Германија и Швајцарија

Последната недела од пописот го зголеми интересот за регистрирање на дијаспората преку Интернет. Во последниве денови регистрирани се илјадници иселеници кои претходно не успеале да се попишат. Бројни волонтери во Европа и Америка им помагаат на иселениците успешно да го завршат пописот.

„За жал, не секој ќе може да стигне, но за среќа, добар број од дијаспората успева да се регистрира … ме радува еден друг факт, што имавме потешкотии во однос на пописот, особено страницата не работеше неколку денови, но неколку дена работи најдобро и немаме потешкотии што се однесува до страницата и оди многу брзо. Прашалникот во врска со пописот на семејството може да потрае од пет до десет минути“, изјави Касам Селими, иселеник.

Досега преку онлајн апликацијата на Заводот за статистика се регистрирани околу 196 илјади иселеници од дијаспората, од сите континенти. Но, најголемиот број е од Европа.

„Околу 64.000 иселеници се регистрирани од Швајцарија, потоа следи Германија, каде околу 44.500 иселеници се регистрирани, потоа од Италија над 27.000, од ​​Австрија околу 11.300 и САД околу 8.500.

Швајцарија – 63.372   Германија – 44.481      Италија – 27.312

Австрија – 11.253        САД – 8.459                  Белгија – 4.724

Данска – 4.174             Словенија – 3.683        Шветска – 3.610

Австралија – 2.784 

Онлајн пописот на дијаспората започна во март и ќе трае до 30 септември, кога завршува пописот и на резидентното население во државава.

Мефаил Исмаили