Синдикатите ѝ одговорија на Владата: „Потрошувачката кошничка е повисока и од 51.000 денари“

Иако беше најавено дека до денеска ќе ги разгледуваат анализите за ново замрзнување на цените на други производи, надлежните не најдоа време да излезат со резултатите. Само информираа дека ќе ги следат цените на светските берзи за да дефинираат нови мерки. Дотогаш граѓаните и понатаму ќе купуваат скапи шеќер, ориз, јајца, месни производи, овошје, зеленчук и средства за хигиена. Но, скапи остануваат и другите тестенини и млечни производи чии цени не беа замрзнати.

„Намалувањето на цените на прехранбените производи не е толку големо бидејќи во последните месеци имаше многу поскапувања. Поради тоа не се забележува драстично намалување на цените на основните прехранбени производи. Што се однесува до просечната плата, таа не е доволна за четиричлено семејство врз основа на приходите што ги има едно семејство, не е доволно да се справиме со овие последни поскапувања“, рече еден граѓанин.

Според власта, висината на потрошувачката кошничка синдикатите погрешно ја пресметале и наместо 50.909 денари, таа била 43.000 денари бидејќи наводно стапката на инфлација била внесена двапати. Но, од Сојузот на синдикати денеска ги отфрлија вакви тврдењата на Владата, чија задна цел е всушност потрошувачката кошничка да се покрие со две минимални плати. Според потпретседателот на Сојузот на синдикати, реалните трошоци на едно четиричлено семејство ќе надминат 90 илјади денари, доколку се вклучат и другите трошоци.

Истата методологија за пресметка се користи од 2011 година, што покажува дека е вистински модел за да се дојде до висината на примањата за преживување, а не и за нормален живот.

Инаку, на почетокот на месецов цената на белиот леб беше замрзната на 33 денари, а потоа поевтинија и тестенините за 15%, а некои млечни производи за 10. Тоа значи дека граѓаните ќе ги купуваат овие основни производи поевтино за 5-10 денари, но повторно на сметка на даночните обврзници наспроти производителите и трговците кои плаќаат само 5% од ДДВ за овие производи. За овие мерки имаше многу критики од експертите, кои освен што ги оценија како задоцнети, бараат помошта директно да им се даде на граѓаните./Алсат.мк

Аднан Ќаили