Со часови чекање на граничните премини
Долго чекање на граничните премини низ државата. При влез и излез е забележана рекордна посетеност во целата 2023 година, покажуваат податоците на МВР. Во изминатиот викенд, преку петте главни гранични премини за само 48 часа поминаа над 180.000 луѓе. Официјалната статистика покажува дека од 29 до 30 јули од земјава влегле и излегле 180.225 лица.
На граничниот премин „Табановце“ за влез во државата се пријавени 78.788, а за излез од државата 39.880 патници, наведоа од МВР.
На граничниот премин Блаце пријавени се: 16.351 патници за влез во државата и 14.053 за излез од државата.
На граничниот премин Ќафасан на влез биле пријавени 9.251, а на излез 9.179 патници.
На граничниот премин Белановце влегле вкупно 3.058 патници, а излегле 3.049 патници.
На граничниот премин Деве Баир за време на викендот влегле 2.943, а излегле 3.673 патници.
Според податоците на МВР викендот 29-30 јули имало поголем проток на граничниот премин Табановце преку кој се движеле околу 100.000 возила. Доаѓањето на иселениците и туристите предизвика чекањето да биде околу 3 часа. Ова ги налути и иселениците кои доаѓаат во својата татковина за време на одморот и туристите кои застануваат да се одморат во Македонија и кои транзитираат кон соседните земји.
Аднан Ќаили
