Советот за безбедност на ОН го поддржа Антонио Гутереш за втор мандат како генерален секретар на Светската организација, препорачувајќи му на Генералното собрание со 193 членки да му го продолжи мандатот за уште пет години од 1 јануари 2022 година. Гутереш, поранешен португалски премиер, го наследи јужнокорејскиот Бан Ки-мун во јануари 2017 година, само неколку недели пред американскиот претседател Доналд Трамп да ја преземе функцијата.
