ССМ: Просечна плус минимална плата недоволни за покривање на синдикалната кошничка

Од Сојузот на синдикати на Македонија (ССМ) алармираат дека минималната синдикална кошничка повеќе е невозможно да се покрие со две минимални плати. Ваквите заклучоци во своето вечерашно гостување во емисијата „Економски Магазин“ на Алсат ги соопшти Иван Пешевски, од Сојуз на синдикати на Македонија, кој додаде дека покривањето на синдикалната кошничка станало невозможно ниту со една минимална и една просечна плата заедно.

„Можам да кажам дека во месецот повеќе не се издржува со примањата коишто ги имаат вработените. Ако ја земеме статистиката, ќе видиме дека повеќе од 100.000 граѓани имаме пријавени во УЈП на 18.000.00 денари, што работат за минимална плата, а порано беше дека со две минимални плати едвај се преживува, меѓутоа се покриваше минималната синдикална кошничка. Овој пат тоа не е случај затоа што со една просечна и една минимална плата повеќе не се преживува во месецот“, рече Пешевски.