Столтенберг: Западен Балкан е важен за НАТО, но има причини за загриженост

Генералниот секретар на НАТО, Јенс Столтенберг, во своето обраќање за време на заедничката прес конференција по неформалниот состанок на НАТО лидерите од регионот, ја нагласи важноста на Западен Балкан за Алијансата и укажа на предизвиците со кои се соочува регионот.

„Овој регион е стратешки важен за НАТО, но има причини за загриженост. Гледаме закани за сецесионизам во Босна и Херцеговина, кревка безбедносна состојба на Косово и заостанати преговори меѓу Белград и Приштина. Авторитарните држави како Русија го загрозуваат нашиот демократски интегритет со кибер закани“, рече Столтенберг.