Три деца загинаа во пожар во Хрватска
Три деца загинаа во пожар во куќа во ромската населба Куршанец во градот Чуканец на северот на Хрватска.
Загинаа четиригодишно момче, шестгодишно девојче и осумгодишно момче.
Во пожарот полесно се повредени и 25-годишна жена и двегодишно дете. Според извештајот од болницата, детето се здобило со изгореници од втор степен на прстите на десната рака, а мајката со изгореници од втор степен на десната подлактица и изгореница од прв степен на задниот дел на десната надлактица.
Пожарот, како што објави хрватската полиција, избил доцна синоќа околу 22:30 часот на поткровјето на куќата. На терен интервенирале сите расположливи противпожарни екипи од Чаковец, а по гаснењето на пожарот во куќата пожарникарите ги пронашле телата на трите деца.
Местото и денеска го обезбедуваат полициски службеници, а присутен е и надлежен обвинител кој врши увид за утврдување на причините за несреќата. Истрагата е сè уште во тек.
Мештаните на Куршанец велат дека не паметат ваква трагедија и се сомневаат дека стравотниот пожар го предизвикале кабли кои биле неправилно поврзани.
