Учениците со километри пеш, возачите на ЈСП биле во КОВИД-изолација

Учениците од Визбегово кои учат во некои од училиштата во Чаир повторно останаа без јавен превоз, па секој ден пешачат повеќе од 4 километри за да присуствуваат на настава. Од почетокот на второто полугодие автобусот на Јавното сообраќајно претпријатие не превезува.

„Со семејството одам на училиште со кола, кога ќе се вратиме, се договараме да се вратиме дома со кола. Подобро со автобус, нема да ги тормозиме луѓето, подобро со автобус. Некои отсуствуваат, некои не. Некои отсуствуваа затоа што немаа со што да дојдат“, велат учениците.

Родителите се револтирани поради прекинот на јавниот превоз. Велат дека никој не ги сфаќа сериозно проблемите на учениците од Визбегово.

„Секојпат сме разочарани, ветуваат, а потоа работата не се завршува. И не знаеме од каде доаѓа овој проблем. Целата населба страда, децата без училиште, а училиштето отворено, нема автобус. Некој може да ги носи со сопствени средства, но повеќето остануваат без настава. Бараме основни услови, не бараме нешто што не е можно, го бараме она што ни припаѓа како населба, како ученици, да им ги исполниме условите на децата“, рече еден жител на Визбегово.

Од ЈСП за Алсат соопштија дека автобуси нема затоа што некои од возачите биле во изолација поради корона вирусот. Некои од жителите пак, добиле објаснување дека имало дефект на автобусот.

Во ноември минатата година на мал дел од ученици од Визбегово по неколкудневните протести, привремено им беше обезбеден јавен превоз.

Мелихате Рустеми