Ветувањата за жителите на Порој останаа празни ветувања

Поминаа речиси десет години откако поплавите уништија неколку села во Тетово, па дури, а и жртви. Властите во тоа време с ветија дека ќе ги заштитат овие села од поплави, со посебен акцент на селото Порој, кое претрпе големи штети. Но, од 2015 година, сè остана само убаво ветување, а речиси ништо не е направено во однос на изградбата на брани за заштита на ова село. Жителите се лути поради оваа негрижа, и во страв ја поминуваат секоја вечер кога има врнежи.

„Никогаш не сме безбедни поради реката. Секогаш живееме во страв. Многу ветувања, сите влади ветуваа и ништо не направија. И денес врне, но кога има град, знаеме што не очекува, особено нашето маало. Коритото е полно со отпадоци, иако редовно го чистат, луѓето повторно фрлаат во реката. Општината и Владата треба да преземат мерки затоа што сме во опасност, сите видовме каква сила има. Кога доаѓаат поплавите, станува страшно, особено нашето маало овде“, рече еден жител.

„Добро е да се стават брани, не знам што да ви кажам. Мора да се постават, но тие самите го знаат тоа“, додаде друг.

„Треба да се направат браните, треба, бидејќи поплавите кога доаѓаат прават многу штета. Но, ветувања дале за многу работи. Дојдоа, погледнаа, ги направија мерењата, ветија и ништо не направија “, нагласи друг жител.

За време на посетата пред неколку дена, градоначалникот на општината, Билал Касами, вети дека се работи во оваа насока, дури и заедно со УНДП, но без да прецизира кога точно ќе бидат направени овие заштитни брани.

„Браните се една од мерките, инаку, станува збор и за можноста за запирање на поплавите на изворот во Шар Планина во Ѓермо, прилагодување на коритото, но и за поставување на предупредувачка сигнализација. Во рамките на полошките општини е формирана уште една работна единица, која е финансирана од Општина Тетово и ќе се занимава со координација на сите активности поврзани со инвестиции за заштита на жителите кои живеат во близина на Шара од поплави кои може да се појават кога има врнежи“, рече Билал Касами Градоначалник на општина Тетово.

Малиот мост на селото, кој често е блокиран и водата излегува од коритото, не е соодветно саниран од поплавите./Алсат.мк

Башким Сулејмани