Владата со мерки за храната, нафтата и струјата

Алсат ексклузивно дознава дека на третата седница на Владата на дневен ред се антикризните мерки за стопанството и граѓаните.

Како што дознава Алсат ќе има намалување на маржите и даночни олеснувања за прехранбените производи, нафтата и струјата. Според претходните предупредувања на надлежните, можно е ДДВ-то за струја да остане на 5 отсто до крајот на годината, иако требаше до јуни да се врати на 10 отсто.

Дел од бизнисмените вчера побараа од Владата намалување на акцизата за нафтата, што значи дека постои голема можност даночните олеснувања да бидат токму за намалување на акцизата. Предвидени се и други мерки. /Алсат.мк