Во недела почнува пописот на населението и домаќинствата
Задутре почнува пописот на населението, домаќинствата, живеалиштата, како и на други прашања поврзани со демографските, образовните, економските и социјалните аспекти на земјава. Државниот завод за статистика соопшти дека ги завршиле сите процедури и ги повикаа граѓаните да не стануваат жртви на оние кои повикуваат на бојкот.
Пописот ќе го спроведат 5.550 попишувачи во 50 региони. Операцијата ќе трае до 30 септември. Паралелно со пописот, продолжува онлајн пописот на дијаспората кој почна во март. Според последните податоци, во последните две недели постои поголем интерес на мигрантите за да се евидентираат. За разлика од летната сезона кога некогаш дневно се попишуваа по десет лица, последниве две недели бројот пораснал на 50-тина. Според официјалните информации на Државниот завод за статистика, до утрово биле регистрирани вкупно 190.944 иселеници. Најголем број од нив
Најголем број попишани иселеници:
Швајцарија – 62.580
Германија – 43.386
Италија – 26.886
Австрија – 11.071
САД – 8.211
Пописот на населението се одржува 19 години по последниот попис во 2002 година. Пописот во 2011 година пропадна откако попишувањето беше запрено неколку денови пред крајот поради несогласувања меѓу партии во врска со методологијата, односно пописот на дијаспората, но и други прашања. Овој пат државните институции се убедени дека операцијата ќе заврши успешно.
Мефаил Исмаили
