За локалните избори само 8,4% од кандидатите се жени

Само 8,4% од кандидатите за градоначалници на овие локални избори се жени. Според Институтот за лидерство и јавна политика, процентот на застапеност на половите треба да биде 30%, а тоа не е ни близу до реалното. За разлика од кандидатиките за градоначалници, бројот на жени кандидати за членови на општинските совети е задоволителен и изнесува 45% од вкупниот број.

„Реално, застапеноста на жените во донесувањето одлуки не е ни близу до процентот што е потребен. Различни општини имаат различни проценти, но загрижувачки е и фактот дека од новите кандидатури на жени за градоначалници на овие избори, од вкупниот број кандидати само околу 8% се жени кандидати, а тоа е премалку“, рече Пранвера Касами, Институт за лидерство и јавна политика.