Заев: Бугарско вето би значело дека од нас се бара нешто неприфатливо

Премиерот Заев верува дека Бугарија ќе продолжи да ја поддржува Македонија за влезот во ЕУ и оти нема да застане на патот за одржувањето на првата меѓувладина конференција во декември. Заев коментира и каква порака би се испратило ако официјална Софија сепак не даде зелено светло за почетокот на преговорите.

„Ако тоа не се случи, тогаш треба да се знае дека се бара од нашата страна нешто што ние никако, ниту смееме да разговараме, ниту би сакале да прифатиме“, рече Заев, додавајќи дека бугарската страна нема побарано промнена на нашиот Устав ниту потпишување на нов договор.