Спасовски: Зголемените полициски контроли го дадоа посакуваниот ефект

За министерот за внатрешни работи Оливер Спасовски, зголеменото полициско присуство во сообраќајот има големи ефекти врз безбедноста на граѓаните. Тој рече дека зголемените контроли покажуваат дека неприсуството на полицијата предизвикува сериозни проблеми и бројни неправилности во сообраќајот.

За да се зголеми безбедноста во сообраќајот, Спасовски најави продолжување на проектот започнат во 2016 година поддржан од американската амбасада за поставување камери во полициските униформи, но и дополнителни камери на булеварите.

Истрагите за насилството врз полицајците продолжуваат, додека Спасовски рече дека нема да толерира насилство врз полицијата, бидејќи тоа значи насилство против државата.

Мефаил Исмаили