Заев не гледа причина за блокада на законот за недела неработен ден

Премиерот Зоран Заев не гледа причина зошто се блокира законот за недела да биде прогласен за неработен ден. Во одговор на новинарско прашање тој денеска рече дека законот е искоординиран со сите релевантни институции и оти е долгоочекуван од страна на работниците.

“Го чекаат работниците, искоординирано е со Коморите и компаниите, зошто да го блокираме. Ако тој се донесе денеска, од следната недела, или еве преку неа, ако стартува во сила осум дена по донесувањето, многу работници конечо во недела ќе бидат со своите деца и со семејствата“, рече Заев.