Засега само Ковачевски ја потврдил својата кандидатура за лидер на СДСМ

Димитар Ковачевски останува единствениот член на СДСМ кој најави кандидатура за претседател на партијата. Тој сè уште официјално ја нема поднесено својата програма. Крајниот рок за номинации е 3-ти декември. Ковачевски во интервју за „Утрински брифинг“ рече дека доколку биде избран ќе се фокусира на борбата против корупцијата, управувањето со економската и здравствената криза и интеграциите во ЕУ.

Најекспонираните партиски функционери поединечно потврдуваат дека нема да се кандидираат за наследници на Зоран Заев. По министерот за внатрешни работи, Оливер Спасовски и вицепремиерот за борба против корупција Љупчо Николовски, и министерката за образование и министерот за здравство потврдија дека не сакаат да дојдат на позицијата прв човек на социјалдемократите.

Внатрешните избори на СДСМ ќе се одржат на 12 декември. Членовите ќе имаат право да се кандидираат за избор на претседател, кој ќе претседава со нив во следните четири години. Следниот претседател на социјалдемократите ќе биде и иден мандатар за премиер.

Фатлуме Дервиши