Жителите на Бутел без соодветни здравствени услуги

Нефункционирањето на модуларната амбуланта ги принудува жителите на општина Бутел да талкаат во потрага по здравствени услуги. Спас бараат во објектот на Здружението на пензионери, каде условите за работа се многу тешки.

Advertisements

Градоначалникот на општина Бутел Дарко Костовски останува на ставот дека прво треба да се дислоцира модуларната амбуланта за да се ослободи простор за реализација на проектот за изградба на поликлиника.

Од Министерството за здравство одговорија дека модуларната поликлиника во Бутел е веќе завршена. Во завршна фаза било приклучувањето на водоводна и канализациона мрежа. Според министерството, потоа следува технички прием и пуштање на објектот во употреба. Во меѓувреме, за плановите и барањата на градоначалникот на општина Бутел, од Министерството за здравство велат дека се испитуваат просторните и финансиските можности за реализација на ваков проект.

Мелихате Рустеми