Morata: Nëse do të kishim edhe 5 minuta lojë, do të ishte ndryshe

Me golin e tij debutues për Milanin, Alvaro Morata ndihmoi skuadrën të barazonte rezultatin kundër Torinos në “San Siro”.

“Nuk ishte një debutim i mrekullueshëm në shtëpi dhe ky është mesazhi i parë. I dyti është se skuadra ishte praktikisht e vdekur, por nëse ndeshja do të zgjaste edhe pesë minuta të tjera, ne do të fitonim. Ne kemi nevojë për një ndryshim mentaliteti, – tha spanjolli për “Sky” në fund të ndeshjes.

Çdo ndeshje e Serie A do të jetë e vështirë, çdo ndeshje e Ligës së Kampionëve do të jetë e vështirë, Kupa e Italisë do të jetë e vështirë. Ne jemi Milani, shpresoja se mund të fitonim në startin e kampionatit të ri, para tifozëve tanë. Është e mrekullueshme të luash në ‘San Siro’ me këtë fanellë. Nuk mund të premtoj tituj apo gola, por do të jap gjithçka për fanellën,” vazhdoi sulmuesi spajoll.

“Duhet të bëjmë një hap më tej mendërisht. Duhet të punojmë shumë, të shkaktojmë më shumë faulle në duele, të bëhemi ekip më i ashpër. Nga nesër do të fillojmë të përmirësohemi të gjithë bashkë.

Penallti, jashtë loje, gol, karton i verdhë?

Më ndodhën të gjitha mua, të paktën morëm një pikë. Duhet të tregojmë guxim dhe forcë që në minutën e pare,” tha në fund Morata.