Dr. Saurabh Sethi nuk përdor kurrë ujë nga shishet plastike dhe u rekomandon të tjerëve ta përvetësojnë këtë praktikë.
Ai thekson se shishet plastike përmbajnë shumë nanoplastikë toksike që mbeten në trup dhe janë të lidhura me kancerin dhe infertilitetin. Kjo është sipas hulumtimit të këtij viti që zbuloi se shishja mesatare e ujit e shitur në SHBA përmban 240,000 grimca të tilla.
“Ndaloni përdorimin e shisheve plastike të ujit. Ato përmbajnë grimca që mund të depërtojnë në qelizat njerëzore, të hyjnë në qarkullimin e gjakut dhe në organet kryesore”, tha ai në një video të postuar në TikTok.
Ai inkurajon njerëzit që të përdorin shishe çeliku inox të ripërdorshme. Ai gjithashtu paralajmëron se pirja nga shishet plastike është veçanërisht e dëmshme gjatë ditëve të nxehta.
“Nxehtësia do të rrisë lirimin e mikroplastikës në shishen tuaj të ujit,” pohon ai.
Videoja ka tërhequr më shumë se gjysmë milioni shikime. Sa i përket shisheve të ujit, besohet se copa të vogla plastike mund të gjenden në produkte si nënprodukt gjatë procesit të prodhimit, kjo është arsyeja pse shqetësimet për plastika të vogla janë shtuar vitet e fundit.
Disa studime kanë treguar se ekspozimi ndaj grimcave të imëta mund të shkaktojë vdekjen e qelizave, stresin oksidativ, dëmtimin e ADN-së dhe nxitjen e përgjigjeve inflamatore. Megjithatë, efektet tek njerëzit bazohen në studime laboratorike dhe kërkime mbi kafshët, pa prova të drejtpërdrejta.
@doctorsethimd The risk of Plastic Water Bottles 🤯 I Harvard Trained Doctor Explains #heart #health #plastic #medicaltiktok ♬ original sound – Doctor Sethi
