Moska s’ka plane konkrete për takimin Biden-Putin
Moska s’ka plane konkrete për takimin Biden-Putin
Nuk ka asnjë plan konkret për takimin midis presidentit amerikan, Joe Biden dhe atij rus, Vladimir Putin, ka thënë zëdhënësi i Kremlinit, Dmitry Peskov.
Peskov ka deklaruar se ndonëse është arritur një mirëkuptim që të vazhdohet dialogu në nivel ministrash, është shumë herët për të treguar nëse ka plane konkrete për organizim të samiteve.
“Është arritur një mirëkuptim thelbësor se është e nevojshme të vazhdohet dialogu në nivel ministrash. Është shumë herët për të folur për plane konkrete për organizimin e samiteve”, ka thënë Peskov.
Ai ka shtuar se nuk e përjashtojnë mundësinë për të pasur kontakte midis presidentëve, por se ky do të jetë vendim i tyre.
“Natyrisht, ne nuk përjashtojmë që, nëse është e nevojshme, presidentët e Rusisë dhe të SHBA-së mund të marrin vendim në çdo kohë për të pasur kontakte, me telefon ose personalisht. Do të jetë vendimi i tyre”, shtoi Peskov.
Biden ka rënë dakord në parim për bisedimet, të ndërmjetësuara nga presidenti francez Emmanuel Macron, por Shtëpia e Bardhë tha të dielën se do të vazhdojë vetëm nëse nuk ka për ndodhur një pushtim.
Zyrtarët amerikanë kanë thënë vazhdimisht se Biden është i gatshëm të angazhohet me Putinin, edhe pse ai përgatit sanksione ekonomike të zbehta nëse një tjetër pushtim rus ndodh ndaj Ukrainës.
